Portocabo é unha empresa independente especializada en producir ficción para televisión.

 

Nace en 2010 co obxectivo de ser unha empresa xeradora de contidos e coa vocación de competir nos mercados internacionais. Unha boutique especializada en crear e deseñar contidos televisivos á medida. A filosofía é o *tailor *made; xerar proxectos de gran calidade sacando o máximo rendemento ao orzamento dispoñible. Distínguese pola súa adaptabilidade, sendo unha produtora con capacidade para traballar en diferentes ámbitos territoriais.

Está situada no mercado como unha produtora con gran experiencia na produción de ficción. O thriller policial, a comedia e o drama histórico son xéneros predilectos da compañía. En Portocabo conflúe o talento dos novos creadores e profesionais que xurdiron en Galicia nos últimos anos, un excelente capital humano, con moitos anos de experiencia, e coa capacidade para afrontar con éxito os proxectos máis ambiciosos. O talento deste capital humano é o que deu solidez á empresa nos primeiros anos de actividade e será o que a sitúe como unha produtora de referencia no futuro.

Ao longo da súa traxectoria caracterizouse por abrirse a diversos mercados. Producindo a nivel autonómico para Galicia, Canarias e Cataluña. A nivel nacional, desenvolvendo proxectos para Movistar +, Telecinco, Antena 3 e Televisión Española. E no ámbito internacional coproduciendo con Italia, TheAvatars (Disney e RAI), con Portugal, Vidago Palace (RTP e TVG) e con Francia, Hierro (Movistar + e Arte).