Sinopse

Traumatizada polo shock da morte de Fran, Teresa continúa a súa investigación con respecto aos Galdón. Está convencida de que Mauro, o patriarca da familia, está dalgunha maneira ligado ao tráfico de armas. Mais, como demostralo? Mentres, Mauro -coa axuda de Lázaro- busca con desesperación vingar o asasinato do seu fillo, e polo camiño acaba entrando en conflito coa policía. A medida que a trama vai avanzando no presente, inesperadamente, Teresa atópase afondando no pasado, xusto no momento que conecta a Mauro e a Lázaro coa morte do seu pai, Joâo.

​

O que lle acontece a cada membro dunha familia irremediablemente aféctalle ao resto. A segunda temporada de Auga Seca é unha viaxe cara aos segredos máis escuros de dúas familias: os Duarte e os Galdón. Presenciando as complexas interaccións entre os nosos personaxes… e sacando a relucir as mentiras que contan -a eles mesmos e ao resto- para evitar sufrimento, pero que en realidade lles traen máis dor. Porque en Auga Seca o pasado non é o que parece.