Sinopse

​

As vidas de Maite, sarxento da Garda Civil, e Tomás, profesor de literatura retirado, parecen volver á normalidade en Ferrol. A enfermidade de Tomás non deixa de avanzar e Maite quere axudarlle, pero o que Tomás desexa é atopar un novo caso que o motive tanto como o asasinato da alcaldesa de Cedeira. Porén, todo o que se atopa resúltalle aburrido e obvio, incluso o novo caso que está a investigar Maite: unha desaparición no Arsenal de Ferrol, un dos portos militares máis antigos e importantes de España. Maite adentrase no mundo militar, un universo descoñecido para ela, que funciona coas súas propias regras alén do muro que o separa da cidade. Tomás atopa, cando menos o espera, algo que lle fai recuperar as ganas de vivir: un novo caso que investigar. Está a piques de prescribir o asasinato dun mozo que aconteceu fai case vinte anos. En todo ese tempo ninguén atopou as probas que demostren quen foi o culpable. A conta atrás fai que Tomás se embarque nunha viaxe ao pasado en busca das claves que desvelen o ocorrido.

​​